Nas casas de bonecas de Playmobil
non cabían os soños futuros
nin o sabor do pan recén feito
da avoa Mercedes
as viaxes á praia
na furgoneta branca con Matilde e Manolo
Non cabía a canción das Spice Girls
que bailabamos con movementos arrítmicos
o lento transcorrer dos días de verán
xogando ás agachadas
nin os contos da Santa Compaña
que non me deixaban durmir
do meu primo Xurxo
tampouco tiñan cabida
os cadernos Rubio,
as ensinanzas de mamá e papá
nin a miña impaciencia
Iris Carro 
Como-te um cacho da impaciéncia e depois meto-me eu nela…coma se for umha indigestom compartilhada
numha simbiose da que tu apanhas pelo teu lado um cacho da minha neura.. E assim andamos as amigas
Me gustaLe gusta a 1 persona